''Աթաթուրքը թող մեր տուն գա...''

Թուրք լրագրող Էնգին Արդըչը հերթական անգամ աչքի է ընկել Sabah պարբերականում  հրապարակած հոդվածով:

Ըստ sabah.com-ի` Արդիչն այս անգամ անդրադարձել է Աթաթուրքին, ինչպես նաև նրան «մեծարելու» կարևորությանը: Հոդվածը վերնագրված է «Դու վեր կաց, ես քնեմ»:

«Չեմ հասկանում. ամեն նոյեմբերի 10-ին երեխաներին նամակ են գրել տալիս Աթաթուրքին: Իհարկե, հո Աթաթուրքը ամեն գիշեր Անըթքաբիրից (որտեղ թաղված է) չի վեր կենում կարդում հուշատետրը, ինչպես այս գրածներս չի կարդում...

Նամակ գրելու «գործը» հասցրել են մանկապարտեզի մակարդակի: Զարմուհիս` թոռնիկիս պես սիրած փոքրիկ Բերքեն, գրել է հետևյալը. «Աթաթուրքը թող մեր տուն գա...»: Նա դեռ 3 տարեկան է:

Բոլորը, ինչ լինում է, Աթաթուրքի հետ են կապում: Մնում է ասեն` դու վեր կաց, ես քնեմ»:

Նշենք, որ նոյեմբերի 10-ը Աթաթուրքի մահվան օրն է: