Վարդան Պետրոսյանին տուն են տեղափոխում

Արդեն տեղեկացրել էինք, որ այսօր առավոտյան վատթարացել էր Վարդան Պետրոսյանի առողջական վիճակը:

Yerkir.am-ի հետ զրույցում «Էրեբունի» բժշկական կենտրոնի մամլո պատասխանատու Շուշան Հունանյանը նշեց, որ դերասանը համակարգչային տոմոգրաֆիա անցնելուց հետո տուն է տեղափոխվում:

«Նրան հոսպիտալացնելու կարիք չկա»,- ասաց Հունանյանը:

Հիշեցնենք, որ ավելի վաղ ՀՀ ոստիկանության Նաիրիի քննչական բաժնում, որտեղ ընթանում է Եղվարդ-Երեւան ճանապարհին հոկտեմբերի 20-ին տեղի ունեցած վթարի վերաբերյալ նախաքննությունը, որոշում է կայացվել ձերբակալել վթարի մասնակից` հայտնի դերասան Վարդան Պետրոսյանին: Այդ կապակցությամբ ոստիկաններն այցելել էին Պետրոսյանի քրոջ բնակարան: