Վարդան Պետրոսյանին տեղափոխել են հիվանդանոց

Արդեն տեղեկացրել էինք, որ ՀՀ ոստիկանության Նաիրիի քննչական բաժնում, որտեղ ընթանում է Եղվարդ-Երեւան ճանապարհին հոկտեմբերի 20-ին տեղի ունեցած վթարի վերաբերյալ նախաքննությունը, որոշում է կայացվել ձերբակալել վթարի մասնակից` հայտնի դերասան Վարդան Պետրոսյանին:

Այդ կապակցությամբ ոստիկաններն այցելել էին Պետրոսյանի քրոջ բնակարան: Սակայն Վարդան Պետրոսյանի առողջական վիճակը վատթարացել է:

Yerkir.am-ի հետ զրույցում «Էրեբունի» բժշկական կենտրոնի մամլո պատասխանատու Շուշան Հունանյանը նշեց, որ բուժկենտրոնը առավոտյան կանչ է ստացել Վարդան Պետրոսյանի համար: «Տեղում զննել են նրան, եւ գրանցվել է ճնշման տատանում, շնչառության թուլացում: Պետրոսյանին տեղափոխել են«Էրեբունի» հիվանդանոց: Այժմ նա գտնվում է դիագնոստիկայի բաժանմունքում, իրականացվում է համակարգչային տոմոգրաֆիա»,- ասաց Հունանյանը: