Ուղևորի հետ վեճի բռնված վարորդը տույժի կենթարկվի

Այսօր համացանցում տարածված տեսանյութի հետ կապված` Երևանի քաղաքապետ Տարոն Մարգարյանը հանձնարարել է ոլորտի պատասխանատուներին`  անհապաղ քայլեր ձեռնարկել պայմանագրային պարտավորությունը խախտող ընկերության վարորդին համապատասխան տույժի ենթարկելու ուղղությամբ:

Քաղաքապետարանից հայտնում են, որ ընթացքի մասին կտեղեկացվի լրացուցիչ:

Հիշեցնենք, որ YouTube-ում հայտնվել էր մի տեսանյութ, թե ինչպես է թիվ 37 համարի երթուղայինի ծխող վարորդը վեճի բռնվում ուղևորի հետ, որը պահանջել էր նրան հանգցնել ծխախոտը: Վեճին միջամտում է կին ուղևորներից մեկը, ով ներկայանում է որպես վարորդի քույր և սկսում հարվածել պահանջատեր ուղևորին: