''ՏաԹեւեր''-ը դարձել է Ճոպանուղային տրանսպորտի միջազգային կազմակերպության անդամ

«ՏաԹեւեր» ճոպանուղին դարձել է Ճոպանուղային տրանսպորտի միջազգային կազմակերպության (OITAF) անդամ: Որոշումը կայացվել է իտալական Բոլցանո քաղաքում կայացած OITAF ղեկավար կոմիտեի հանդիպման ժամանակ:

Անդամակցությունը OITAF-ին նշանակում է, որ «ՏաԹեւերն»-ը ճանաչվել է ճոպանուղիների օպերատորների համաշխարհային հանրության կողմից, եւ դա մի շարք առավելություններ է տալիս, մասնավորապես`

- ճոպանուղիների կառավարման ոլորտում հետազոտությունների եւ փորձերի աջակցություն,

- աջակցություն ճոպանուղիների ոլորտում ազգային կարգավորիչների համար չափանիշների ներդրման հարցում, 

- սեմինարների եւ կոնֆերանսների անցկացում ճոպանուղիների արտադրողների եւ օպերատորների համար:

OITAF հիմնադրվել է 1959 թվականին Միլանում: Ներկայումս կազմակերպությանն անդամակցում են ճոպանուղիներ 22 երկրներից: