Մշակույթի նախարարությունը սպասում է Տավուշի մարզի դատախազի որոշմանը

Հունվարի 16-ի գիշերը երկու անձանց կողմից բարբարոսաբար ջարդվել եւ վնասվել են Իջեւանի քաղաքային զբոսայգում տեղադրված` խորհրդային տարիներին անցկացված միջազգային սիմպոզիումի քանդակներից 8-ը:

Yerkir.am-ը հարցմամբ դիմել էր ՀՀ մշակույթի նախարարությանը` պարզելու` ի՞նչ քայլեր են ձեռնարկել քանդակների վերականգնման համար:

Մեր հարցմանն ի պատասխան` ՀՀ մշակույթի նախարարության պատմության եւ մշակույթի հուշարձանների պահպանության գործակալությունից տեղեկացրեցին, որ 2013 թ. փետրվարի 25-ի թիվ 94 գրությամբ նախարարության ենթակայությամբ գործող «Պատմամշակութային արգելոց-թանգարանների եւ պատմական միջավայրի պահպանության ծառայություն» ՊՈԱԿ-ի տնօրենը Տավուշի մարզի դատախազին ներկայացրել է հուշարձաններին հասցված վնասի չափը եւ խնդրել, որ այն ընդունվի որպես հուշարձաններն ավերելու փաստի կապակցությամբ հարուցված քրեական գործի նախաքննական մարմնին ուղղված տուժող կողմի պահանջ եւ ապահովվի հայցի բավարարումը: «Պահանջն ապահովելու եւ փոխհատուցվող համապատասխան ֆինանսական միջոցներ տրամադրելուց հետո նախարարությունը կիրականացնի քանդակների վերականգնման աշխատանքները»,- ասացին մեզ: