Պուտինն իմ ձերբակալության համար Իվանիշվիլիին 2 մլրդ դոլար է վճարել. Սահակաշվիլի

Վրաստանի նախագահ Միխեիլ Սահակաշվիլին, մեկնաբանելով իր ձերբակալության մասին երկրի վարչապետ Բիձինա Իվանիշվիլիի հայտարարությունը, հայտարարել է , որ վարչապետին իրեն ձերբակալել հանձնարարել է ՌԴ նախագահ Վլադիմիր Պուտինը և դրա համար Իվանիշվիլիին 2 միլիարդ դոլար է վճարել. հաղորդում է Грузия Online-ը:

«Դա Վլադիմիր Պուտինի պատվերն է, և դրա համար 2 մլրդ դոլար է վճարվել: Մենք շատ լավ գիտենք այդ մասին: Ոչ ոք դա չի հերքել: Սակայն չեմ կարծում եմ , որ Վրաստանն այն երկիրն է, որը XXI դարում պետք է կատարի որևէ նվաճողի կեղտոտ պատվերները»,- ասել է նա:

Այսօր ԶԼՄ-ների և ռադիոկայանների գլխավոր խմբագիրների հետ կայացած հանդիպման ժամանակ Իվանիշվիլին հայտարարել էր, որ որևէ մեկին ոչնչացնելու ցանկություն չունի, չի ցանկանում, որ Սահակաշվիլին հայտնվի բանտում, սակայն հասարակությունը պետք է հավատա, որ բոլոր հարցերը կլուծվեն: