Կարծում եք՝ Պուտինն ուզո՞ւմ է, որ Հայաստանը հաղթանակ տանի Ադրբեջանի նկատմամբ. Սահակաշվիլի

Արդեն տեղեկացրել ենք, որ Վրաստանի նախագահ Միխեիլ Սահակաշվիլին ՄԱԿ-ի Գլխավոր ասամբլեայի նիստում սկանդալային ելույթ է ունեցել, որում խիստ քննադության է արժանացրել Ռուսաստանին, ինչպես նաև երկրի ղեկավար Վլադիմիր Պուտինին:

Իր ելույթում Սահակաշվիլին հիշատակել է նաև Ղարաբաղյան հարցը: Նա, մասնավորապես, ասել է. «ԽՍՀՄ նախկին ուժեղ պետությունները՝ Հայաստանը, Մոլդովան, Ադրբեջանը,  Ռուսաստանին ձեռնտու չեն: Դուք կարծում եք, թե Վլադիմիր Պուտինն ուզո՞ւմ է, որ Հայաստանը  հաղթանակ տանի Ադրբեջանի նկատմամբ: Ո՛չ: Դա Հայաստանին չափազանց ուժեղ և պոտենցիալ առումով չափազանց անկախ կդարձներ»:

Սահակաշվիլիի խոսքով՝ Մոսկվան չի ցանկանում նաև, որպեսզի Բաքուն հաղթանակ տանի Երևանի նկատմամբ: Ըստ նրա՝ Մոսկվայի միակ նպատակը հակամարտությունն է, որը տվյալ պետություններին կախյալ վիճակում է պահում և զրկում եվրաինտեգրման հնարավորությունից: