Ռոբերտո Մանչինին գլխավորեց թուրքական ''Գալաթասարայ''-ը

 Անգլիական «Մանչեսթր Սիթի»-ի նախկին մարզիչ Ռոբերտո Մանչինին եռամյա պայամանագիր է ստորագրել Ստամբուլի «Գալաթասարայ»-ի հետ:

 Մեկ շաբաթ առաջ  թուրքական ակումբի ղեկավարությունը հեռացրել է  թիմի գլխավոր մարզիչ Ֆաթիհ Թերիմային: Նա նոր պայմանագրի հարցում չի կարողացել համաձայնության գալ ակումբի հետ:

Մանչինիի պայմանագիրը ավարտվում է 2015/16-ին:

Ավելի վաղ թուրքական ԶԼՄ-ները հայտնել էին, որ Մանչինիի հետ բանակցությունները դադարեցվել են, քանի որ իտալացին պահանջել է չափազանց բարձր աշխատավարձ:

Իտալացին նախկինում գլխավորել  է անգլիական «Մանչեսթր Սիթի» -ին, որտեղից նրան հեռացրել են  մայիս ամսին: Նրա գլխավորությամբ  «քաղաքայինները» դարձել են Անգլիայի Պրեմիեր լիգայի չեմպիոն, նվաճել երկրի  գավաթը և Սուպեր գավաթը: Մանչինին ղեկավարել է նաև իտալական «Ինտեր» -ը, «Ֆիորենտինա» -ն և «Լացիո» -ն:

 Թուրքիայի առաջնությունում «Գալաթասարայ» - ը հինգերորդ մրցաշրջանից հետո յոթ միավորով զբաղեցնում է տասներորդ հորիզոնականը: Իսկ Չեմպիոնների լիգայում սեփական հարկի տակ 1: 6 հաշվով պարտվել է մադրիդի «Ռեալ» -ին :