"Չեբուրաշկա". ցուցարարները` Սերժ Սարգսյանի հետեւից

15 րոպե առաջ մեկնարկել է ՀՀԿ ԳՄ նիստը: Նիստն ուղեկցվում է բողոքի ցույցով` ընդդեմ Մաքսային միությանն անդամակցելու վերաբերյալ նախագահ Սերժ Սարգսյանի հայտարարության: Ցուցարարները Սերժ Սարգսյանին սպասում էին Տիգրան Մեծ - Մելիք Ադամյան փողոցների խաչմերուկում, որով, սովորաբար, Սերժ Սարգսյանը մուտք է գործում ՀՀԿ գրասենյակ: Նախագահը, սակայն, եկավ Նալբանդյան փողոցով` ցուցարարների հետ շփում չունենալու համար:

Իրադարձությունների վայրից Yerkir.am-ի թղթակիցը հայտնում է, որ, տեսնելով նախագահին, «Ազատ, անկախ Հայաստան» աղաղակող ցուցարարները սկսել են վանկարկել` «Չեբուրաշկա»:

Նշենք, որ ոստիկանները շարունակում են ՀՀԿ շենքը շրջափակված պահել` սահմանափակելով նաեւ լրագրողների աշխատանքը: