Մահվան ելքով ավտովթար` Արագածոտնի մարզում

Այսօր` օգոստոսի 8-ին, ավտովթար է տեղի ունեցել Արագածոտնի մարզում: Ժամը 16:10-ի սահմաններում Լեռնային Ղարաբաղի Հանրապետության Շուշի քաղաքի բնակիչ, 61-ամյա Կարեն Ղարիբյանը, վարելով «Միցուբիշի» մակնիշի 32 00 978 համարանիշի ավտոմեքենան, Երեւան-Գյումրի ավտոճանապարհի 84 կմ-ին նշված ավտոմեքենայով դուրս է եկել ճանապարհի երթեւեկելի գոտուց եւ շրջվել:

Ըստ  shamshyan.com -ի` վթարի հետեւանքով վարորդը եւ ուղեւորները` Շուշի քաղաքի բնակիչ, 54-ամյա Գոհար Մկրտչյանը, Ստեփանակերտ քաղաքի բնակիչներ Ռուզաննա Մկրտչյանը եւ 6-ամյա Արթուր Մկրտչյանը մարմնական վնասվածքներով տեղափոխվել են Թալինի բժշկական կենտրոն: Ավելի ուշ երեխային` Արթուր Մկրտչյանին, տեղափոխել են Երևան, որտեղ ժամը 20:50-ի սահմաններում նա մահացել է: 

Վարորդն ու վիրավորները Լեռնային Ղարաբաղի Հանրապետության առաջին նախագահ Արթուր Մկրտչյանի ազգականներն են: