Նստացույցի մասնակիցներից մեկն արեւահարվել է

Երեւանի քաղաքապետարանի առջեւ նստացույց հայտարարած երեք երիտասարդներից Սուրեն Սահակյանը գիշերը բարձր ջերմությունով տեղափոխվել է Սբ Գրիգոր Լուսավորիչ հիվանդանոց: Այս մասին Yerkir.am-ի թղթակցի հետ զրույցում հայտնեց նստացույց հայտարարածներից Վահագն Մինասյանը:

Սուրեն Սահակյանի մոտ բժիշկներն ախտորոշել են արեւահարություն: Գիշերը հիվանդանոցում մնալուց հետո Սուրենը` կատետերը ձեռքին, վերադարձել է քաղաքապետարանի մոտ, սակայն նրա վիճակը կրկին վատացել է, եւ շտապօգնության մեքենա են կանչել: Դրանից հետո Սահակյանը գնացել է տուն. ծնողների հետ խորհրդակցելուց հետո նա կորոշի, թե որ բուժհաստատությունում է շարունակելու բուժզննումը:

Վահագն Մինասյանը մեր թղթակցին տեղեկացրեց, որ ինքը եւ նստացույց հայտարարած մյուս երիտասարդը` Գոռ Առաքելյանը, իրենց լավ են զգում: Առաջիկա օրերին նրանք պատրաստվում են հովանոց տեղադրել քաղաքապետարանի առջեւ: Նստացույցը շարունակվելու է:

Մանրամասները` Yerkir.am-ի տեսանյութում: