Բոլիվիան պատրաստ է քաղաքական ապաստան տալ Սնոուդենին

Բոլիվիան պատրաստ է քաղաքական ապաստան տալ ԿՀՎ նախկին աշխատակից Էդվարդ Սնոուդենին. այսօր հայտարարել է երկրի նախագահ Էվո Մորալեսը:

«Բոլիվիան ընդունում է մարդկանց, ովքեր բացահայտում են լրտեսությունը, եթե դա կարելի է այդպես անվանել»,- ասել է նա` հավելելով, որ Սնոուդենից իր երկիրը դեռեւս խնդրանք չի ստացել: «Երբ խնդրանքը լինի, մենք պատրաստ ենք այն քննարկել: Մենք պատրաստ ենք բանակցությունների»,- պարզաբանել է Մորալեսը:

Ըստ նրա` Բոլիվիան մտահոգ է ԱՄՆ-ի պահվածքից: «Ես գիտեմ, որ խոշոր տերությունները լրտեսական ցանց ունեն եւ մշտապես գործում են, այսպես կոչված, զարգացող երկրների դեմ: Հատկապես` այն երկրների, որոնք բնական պաշարներ ունեն` Բոլիվիան, Վենեսուելան, Էկվադորը»,- նշել է Բոլիվիայի նախագահը: