Ժիրինովսկին դեմ է Սնոուդենին ապաստան տրամադրելուն

Լիբերալ-դեմոկրատական կուսակցության առաջնորդ Վլադիմիր Ժիրինովսկին կարծում է, որ Կենտրոնական հետախուզական վարչության նախկին աշխատակից Էդվարդ Սնոուդենին պետք չէ ապաստան տրամադրել, փոխարենը նրան պետք է փոխանակել ԱՄՆ-ում կալանքի տակ գտնվող ռուսաստացիների` Վիկտոր Բուտի և Իլյա Յարոշենկոյի հետ. հայտնում է Интерфакс-ը:

«Ես կարծում եմ` պետք չէ տրամադրել: Նա բավականին երկար մտածեց: Նա պետք է դիմեր Հոնկոնգում Ռուսաստանի հյուպատոսություն և ծնկաչոք աղաչեր ապաստան տրամադրել իրեն, իսկ նա մի ամբողջ շաբաթ իր համար անհոգ ապրում է մեր հյուրանոցում և հիմա նոր հասկացել է, որ պետք է ապաստան խնդրի»,- հայտարարել է Ժիրինովսկին: