Հայաստանը թույլ չի տա իրեն սպառազինությունների մրցավազքի մեջ ներքաշել. Սեյրան Օհանյան

Հայաստանը թույլ չի տա իրեն սպառազինությունների մրցավազքի մեջ ներքաշել. այսօր լրագրողներին ասել է ՀՀ պաշտպանության նախարար Սերյրան Օահնայնը` մեկնաբանելով Ադրբեջանի` Ռուսաստանից 1 մլրդ դոլարի սպառազինություններ գնելու փաստը:

«Մենք մտադիր չենք կուրորեն ներքաշվել սպառազինությունների մրցավազքի մեջ: Մենք շեշտը դնում ենք որակին»,- նշել է նախարարը: Միաժամանակ ընդգծել է, որ Ադրբեջանին զենք վաճառելու փաստը չի կարող չանհանգստացնել Հայաստանին, սակայն վստահեցրել է, որ Հայաստանի եւ Ռուսաստանի հարաբերությունները բարձր մակարդակի վրա են, եւ ամեն ինչ արվում է ուժերի հավասարակշռությունը պահպանելու համար` ինչպես քաղաքական առումով, այնպես էլ որակի տեսանկյունից:

«Մենք ՌԴ-ի հետ սերտ հարաբերություններ ունենք: Երեկ ստորագրվել է կարեւոր փաստաթուղթ ռազմատեխնիկական համագործության զարգացման վերաբերյալ: Աայն հնարավորություն կտա այդ համագործակցությունը կառուցել ավելի բարձր, միջպետական մակարդակով:  Դա նաեւ հնարավորություն կտա երկու երկրների ռազմական արդյունաբերական ձեռնարկություններին պայմանագրեր կնքել հարաբերությունների խորացման եւ նոր ձեռնարկությունների ստեղծման համար»,- նշել է նախարարը: