կարևոր
628 դիտում, 3 ժամ առաջ - 2025-07-08 19:25
Իրավական

Առաջադրված մեղադրանքի դրվագների հետ համաձայն չեմ․ սխալներ են թույլ տվել, և ժամանակն իրենց գնահատականը կտա․ Սեյրան Օհանյան

Առաջադրված մեղադրանքի դրվագների հետ համաձայն չեմ․ սխալներ են թույլ տվել, և ժամանակն իրենց գնահատականը կտա․ Սեյրան Օհանյան

«Հայաստան» խմբակցության ղեկավար Սեյրան Օհանյանը, որը երեկ զրկվել էր պատգամավորական անձեռնմխելիությունից, հարցաքննվել է ՀՀ քննչական կոմիտեում՝ իր նկատմամբ հարուցված քրեական վարույթի շրջանակում։

«Հարցաքննվում էի, մեղադրանք է առաջադրվել, մեղադրանքի դրվագների հետ համաձայն չեմ, նաև օգտվելով իմ իրավունքից ցուցմունք չեմ տվել։ Առողջական խնդիրներ ունեմ, ինձ զանգահարել, բուժհիմնարկից են հրավիրել ՔԿ, հաշվի առնելով, որ 18 ժամվա ընթացքում մեղադրանք է առաջադրվելու՝ ներկայացել եմ»,- ՔԿ-ից դուրս գալուց հետո լրագրողների հետ զրույցում նշեց Սեյրան Օհանյանը՝ հավելելով, որ վերջին 1.5 ամսվա ընթացքում նախաինսուլտային վիճակում է եղել։

Հարցին, թե մեղադրանքի որ դրվագների հետ հմաձայն չէ, Սեյրան Օհանյանը նշեց․ «Ես ստորագրել եմ մի փաստաթուղթ, ըստ որի՝ նախաքննական գաղտնիք չպետք է հրապարակել»։

Հիշեցնենք, որ Սեյրան Օհանյանին վերաբերող միջնորդագրի համաձայն՝ նա տարբեր տարիների ներկայացրած հայտարարագրում իբրև թե թաքցրել է իրեն պատկանող գույքը, մասնավորապես, Դրախտիկ համայնքում գտնվող հողատարածքը և դրա վրա ինքնակամ կառուցված առանձնատունը։