Չփորձել Հայաստանը ներքաշել ձեր աշխարհաքաղաքական հակամարտnւթյունների մեջ. Իրանի դեսպանը՝ եվրոպական երկրներին

Երևանում եվրոպական երկրների դեսպանատներից որոշներն էլ իրանի օրինական պատասխանի վերաբերյալ իրենց երկրների ղեկավարների միակողմանի և թյուր կարծիքներն են տարածում Հայաստանում: Այս մասին ասուլիսում հայտնել է Հայաստանում Իրանի դեսպան Մեհդի Սոբհանին։ Նա անդրադարձել է Իսրայելի վրա Իրանի հարձակմանը՝ նշելով, որ Իրանը օրինական ու լեգիտիմ պատասխանից հետո եվրոպական և արևմտյան որոշ պետություններ այն ագրեսիվ քայլ ներկայացրեցին, ինչը նշանակում է հող նախապատրաստել սիոնիստական ռեժիմի նոր արկածախնդրության համար։ 

«Նրանք ցանկանում են հայ ժողովրդին ենթարկել իրենց թյուր քաղաքականության ազդեցությանը և Իրանին վարկաբեկել հայաստանյան հանրային կարծիքում: Ես նրանց խորհուրդ եմ տալիս դադարեցնել այս կեղծարարությունը և չփորձել Հայաստանը ներքաշել իրենց աշխարհաքաղաքական հակամարտությունների մեջ: Սիոնիստական ռեժիմը հարավային կովկասում անկայունության հիմանական գործոններից մեկն է և Ղարաբաղյան երկրորդ պատերազմում հայ զինվորները սպանվել են իսրայելական զենքով» ,-ասել է դեսպանը։

Մանրամասն՝ տեսանյութում