Եվրո-2020-ի հանդիպումներից մեկը` Հայաստանում կամ Ադրբեջանում

Ֆուտբոլի Եվրոպայի 2020թ. առաջնությունը կարող է անցնել Հայաստանի կամ Ադրբեջանի քաղաքներից մեկում: Նախնական տվյալներով` ԱՊՀ երկրներից, բացի Ռուսաստանից և Ուկրաինայից, մասնակցության հայտ են ներկայացրել նաև Հայաստանը և Ադրբեջանը. հայտնում է regnum.ru-ն:

Ըստ աղբյուրի`Ուկրաինան պատրաստ է  հանդիպումների անցկացման համար երկու քաղաք ներկայացնել, եթե Ադրբեջանի կամ Հայաստանի քաղաքները չընտրվեն:

Ինչ վերաբերում է Հայաստանին`  երկրի նախագահ Սերժ Սարգսյանը հանձնարարել է առաջիկա հինգ տարների ընթացքում վերակառուցել Երևանի «Հրազդան» մարզադաշտը: Ադրբեջանը նույնպես ցանկանում է ներկայացնել իր մայրաքաղաքը` Բաքուն, որտեղ կվերակառուցի Օլիմպիական մարզադաշտը:

Հիշեցնենք, որ ավելի վաղ որոշում էր ընդունվել փոխել Եվրոպայի առաջնությունն անցկացնելու ընթացակարգը: Առաջնությունն անցնելու է ոչ թե մեկ կամ երկու պետությունում, այլ միանգամից մի քանի պետությունների քաղաքներում: Եվրո-2020-ի խաղերը կարող են ընդունել Մոսկվայի, Բեռլինի, Մադրիդի, Լիսաբոնի, Հռոմի, Լոնդոնի, Ամստերդամի, Զագրեբի, Աթենքի, Բազելի, Փարիզի և Բրյուսելի մարզադաշտերը: