Իվանիշվիլին կհեռանա, երբ ձերբակալի Սահակաշվիլիին. ԶԼՄ

Երեկ էստոնական Postimees պարբերականին Վրաստանի վարչապետ Բիձինա Իվանիշվիլին հայտնել էր, որ կհեռանա քաղաքականությունից երկրում նախագահական ընտրություններից հետո: Ի դեպ, ներկայիս նախագահ Միխեիլ Սահակաշվիլին արդեն երկու անգամ ընտրվել է եւ այլեւս իրավունք չունի ընտրություններին մասնակցելու:

Իվանիշվիլիի հայտարարությանն այսօր անդրադարձել է Хроника թերթը, ըստ որի` կուլուարային տեղեկատվության համաձայն` Իվանիշվիլին ԱՄՆ դեսպանին հայտարարել է, որ քաղաքականությունից կհեռանա այն բանից հետո, երբ «կձերբակալի Սահակաշվիլիին». տեղեկացնում է apsny.ge-ն:

«Ապշած դեսպանը ասել է Իվանիշվիլիին. «Դուք դա չեք անի»: Ինչին հետեւել է վարչապետի պատասխանը. «Ես ցույց կտամ, թե ինչպես եմ բռնելու Միխեիլ Սահակաշվիլիին, եւ երբ կարգավորեմ երկիրը, հանգիստ կհեռանամ քաղաքականությունից»,- գրում է թերթը: