Ինտրիգներ՝ ոստիկանությունում

Ոստիկանության պահպանության վարչությունում ինտրիգներ են հասունանում Վովա Գասպարյանի ու Երևանի նախկին ոստիկանապետ Ներսես Նազարյանի յուրայինների՝ Պետական պահպանության վարչության պետ Ռոմիկ Մկրտումյանի և նույն վարչության պահնորդական շնաբուծության բաժնի պետ Ներսես Քեհեյանի միջև, ով համակարգում հայտնի է իր ահռելի ունեցվածքով ու շների բիզնեսով: 

Վերջինս ձգտում է վարչության պետի պաշտոնին, սակայն դա անմատչելի է, քանի որ բաղձալի պաշտոնը զբաղեցնում է Գասպարյանի մտերիմը, ով վերջին օրերին հայտնվել է մամուլի թիրախում և հարստությամբ չի զիջում Քեհեյանին:

Ըստ «Հրապարակ»-ի՝ Քեհեյանն այն «համարձակներից» է, ով ոստիկանության ղեկավարության մասին բացահայտ դժգոհություններ է հայտնում: Համակարգում խոսում են, որ հնարավոր է առաջիկայում Քեհեյանի գործունեությունը հայտնվի ոստիկանության ներքին անվտանգության վարչության ուշադրության ներքո: