Օրինախախտը՝ փոխնախարար

Նախօրեին աշխատանքից ազատված սպորտի և երիտասարդության հարցերի փոխնախարար Սամվել Խաչատրյանի փոխարեն երեկ նշանակվել է Նազարեթ Մնացականյանը։ Վերջինս ՀՀ ԱԺ հանրապետական պատգամավոր, Թալինի նախկին քաղաքապետ Մնացական Մնացականյանի եղբայրն է և մինչև 2011 թվականի նոյեմբերը զբաղեցնում էր ոստիկանության կազմակերպված հանցավորության դեմ պայքարի գլխավոր վարչության 4-րդ վարչության պետի պաշտոնը։ 

Նոյեմբերի սկզբին ոստիկանապետ Վլադիմիր Գասպարյանի հրամանով նա ազատվեց պաշտոնից։ Ըստ մամուլում հայտնված տեղեկությունների՝ Նազարեթ Մնացականյանը, 4-րդ վարչության պետի տեղակալ Ալեքսանդր Բերեզովսկին և ԿՀԴՊԳՎ պետ Գագիկ Ավետիսյանը կասկածվում էին խոշոր չափերի յուրացման մեջ։

Թե ինչպես է Մնացականյանը նորից հարթել իր ճանապարհը և ուժային ոլորտից կտրուկ անցում կատարել սպորտի նախարարություն, «Հրապարակ»-ին չի հաջողվել պարզել: 

Լրագրողը զրուցել է եղբոր՝ պատգամավոր Մնացական Մնացականյանի հետ, ով վստահեցրել է, թե ինքը չի միջամտել եղբոր առաջընթացին:

Շարունակությունը կարդացեք «Հրապարակ»-ի այսօրվա համարում