Բրայզան առաջարկում է ԵԱՀԿ ՄԽ մշտական համանախագահ նշանակել

Ղարաբաղյան հակամարտության կարգավորման գործում առաջընթաց չկա. այսօր, ըստ APA գործակալության, Բաքվում լրագրողների հետ հանդիպման ժամանակ կարծիք է հայտնել Ադրբեջանում ԱՄՆ նախկին դեսպան, ԵԱՀԿ ՄԽ նախկին համանախագահ Մեթյու Բրայզան: «Սակայն դա չի նշանակում, որ ԵԱՀԿ ՄԽ համանախագահները ոչ մի ջանք չեն գործադրում»,- հավելել է նա:

Ըստ Բրայզայի` Ադրբեջանի եւ Հայաստանի նախագահները միմյանց չեն վստահում: «Այդ վստահությունը ինչ-որ մեկը պետք է ստեղծի: Դա կարող են անել ե'ւ Բարաք Օբամայի վարչակազմը, ե'ւ պետքարտուղար Ջոն Քերին: Նշանակելով Մինսկի խմբի մշտական համանախագահ` ԱՄՆ-ը կուժեղացնի իր` կարգավորմանն ուղղված ջանքերը: Դրանից հետո Քերին կարող է ավելի զգալի դեր խաղալ հակամարտության կարգավորման գործընթացում»: