Բրայզան հետաքրքրվել է Նոր Ջուղայի խաչքարերով

Նախիջևանում Բրայզան հետաքրքրվել է Նոր Ջուղայի խաչքարերով Ադրբեջանում ԱՄՆ դեսպան Մեթյու Բրայզան երկօրյա այցով մեկնել է Նախիջևան եւ հանդիպում ունեցել Նախիջևանի խորհրդարանի ղեկավար Վասիֆ Թալիբովի հետ: Հանդիպման ընթացքում արծարծվող հիմնական հարցերը կապված են եղել Նախիջևանում ժողովրդավարության և մարդու իրավունքների ընդհանուր վիճակի հետ: Դեսպանը հետաքրքրվել է շրջանում պատմական հուշարձանների վիճակի, մասնավորապես, Նոր Ջուղայում խաչքարերի մասին: Բրայզան լրագրողների հետ զրույցում նշել է, որ ցավոք, չի կարողացել այցելել Ջուղա և տեղում ծանոթանալ իրավիճակին, սակայն ավելացրել է, որ իր հաջորդ այցին անպայման կայցելելի: Դեսպանը նշել է, որ Ջուլֆայում գտնվող հուշարձանները մեծ հետաքրքրություն են ներկայացնում, իսկ ինքն անձամբ այդ թեմաներով մասնակցել է Հայաստանում ընթացած քննարկումներին: