Պետք է մոռանալ Վճռաբեկի գոյության մասին. փաստաբան

Փաստաբան Հայկ Ալումյանն այսօր «Մեդիա Կենտրոնում» հայտարարեց,  որ այդ խնդիրը մտահոգում է իրենց վստահորդներին, որովհետև նրանք չեն կարողանում հասկանալ, թե  ինչու Վճռաբեկ դատարանն իրենց գործերը վարույթ չի ընդունում:

Փաստաբանների խոսքով` իրենց վստահորդները ստիպված դիմում են Եվրադատարան և հասնում արդարության: «Մեզ համար անհասկանալի է, երբ Վճռաբեկը կայացնում է որոշումենր, որոնք հակասում են նախորդ որոշումներին, ընդհանրապես անհասկանալի է այդ դատարանի վարքագիծը»,- ասաց Ալումյանը և հավելեց, որ իրենք տարբեր մեթոդներով փորձել են այդ մասին բարձրաձայնել, սակայն արդյունքի չենք հասել:

Իրավաբան Արա Ղազարյանի կարծիքով` փաստաբաններն ի սկզբանե պետք է բավարարվեն վերաքննիչ ատյանով  և Վճռաբեկ դատարան բողոք բերելու մասին  մտածեն միայն բացառիկ դեպքերում.այն է` իրավունքի զարգացման և օրենքի միատեսակ կիրառությունը սահմանելու անհրաժեշտության դեպքում.

«Պետք է մոռանալ Վճռաբեկի գոյության մասին»,-հայտարարեց նա: