Իրանի նախագահական ընտրություններին կմասնակցի 8 թեկնածու

Իրանի նախագահական ընտրություններին կմասնակցի 8 թեկնածու. տեղեկացնում է MehrNews-ը:

Երկրի ընտրական հանձնաժողովի նախագահը հայտարարել է, որ միայն ՆԳՆ-ի հաստատած ցուցակն է օրինական:

Թեկնածուների պաշտոնական գրանցումը սկսվել էր մայիսի 7-ին եւ ավարտվել մայիսի 11-ին: Ընդհանուր առմամբ, ավելի քան 680 մարդ առաջադրել էր իր թեկնածությունը: Նրանցից միայն 36-ն էին քաղաքական գործիչներ կամ հասարակությանը հայտնի մարդիկ: Մայիսի 12-ից Իրանի պահապանների խորհուրդը քննարկել է յուրաքանչյուր թեկնածուի` ընտրություններին մասնակցելու իրավունքը եւ արդյունքում ընտրել 8-ին:

Նախընտրական արշավը կավարտվի հունիսի 12-ին: Ընտրությունները կանցկացվեն հունիսի 14-ին: