Թուրքիան Ուկրաինա կմատակարարի ռազմանավեր ու անօդաչու թռչող սարքեր

Ուկրաինա կատարած այցի ընթացքում Թուրքիայի պաշտպանական արդյունաբերության վարչության պետ Իսմայիլ Դեմիրի գլխավորած պատվիրակությունը որոշում է կայացրել խորացնել պաշտպանական արդյունաբերության ոլորտում առկա համագործակցությունը:

Կիևում կնքվել են Թուրքիայի ու Ուկրաինայի միջև համաձայնագրեր: Ըստ այդմ` Թուրքիան կբավարարի Ուկրաինայի ռազմածովային ուժերի կարիքները՝  Կիևին տրամադրելով «Ադա» հակասուզանավային կորվետներ ու անօդաչու թռչող սարքեր: Այս մասին հայտնում է Թուրքիայի պաշտպանական արդյունաբերության նախարարությունը:

Հիշեցնենք, որ օրեր առաջ ԱՄՆ–ը պատժամիջոցներ էր սահմանել Դեմիրի և նրա գլխավորած վարչության նկատմամբ, ինչը, սակայն, ինչպես պարզվում է, չի խանգարում Թուրքիային` ակտիվորեն զբաղվել ռազմարդյունաբերությամբ։