Քվեարկում են ուրիշի փոխարեն

Ժամը 14-ի դրությամբ ՀԱԿ-ն արձանագրել է մի շարք ընտրախախտումներ, որոնք հաղորդել է yerkir.am-ին: Ստորեւ ներկայացնում ենք դրանք:

11/7, 11/8 ընտրատեղամասերի (68 դպրոց) դիմաց կուտակումներ, եւ «թաղի տղաների» կողմից ընտրողների ուղղորդումներ են արձանագրվել:

11/14 ընտրատեղամասի («Հայտրանսշին» գործարան, Արցախի 30) կողքի բակում արձանագրվել են մարդկանց կուտակումներ, հավաքագրման և բերման ենթարկումներ: ՀՀԿ-ի ներկայացուցիչ Դավիթ Վարդանյանը պարբերաբար դուրս է գալիս տեղամասից եւ մարդկանց ուղղորդավորված տանում քվեարկության: Առկա է տեսանյութ:

11/30 եւ 11/32 ընտրատեղամասերում արձանագրվել են ուրիշի փոխարեն քվեարկություն: 11/32 ընտրատեղամասում առկա են կուտակումներ: Ընտրողներ են բերվում համապատասխան գծից դուրս աշխատող երթուղայիններով:

12/09 ընտրատեղամասի (27 դպրոց) մուտքի մոտ գումար է բաժանվում:

12/28, 12/29 ընտրատեղամասերում ընտրողներին միկրոավտոբուսներով տանում են քվեարկության: