Եթե Երիցյանը չընտրվի, ոչ մի այլ պաշտոն քաղաքապետարանում չի զբաղեցնի

Երեւանի ավագանու ընտրություններում ՀԱԿ-համամասնական ցուցակը գլխավորող Վահագն Խաչատրյանը, ով ժամանակին Երեւանի քաղաքապետ է եղել, ըստ ՕԵԿ վարչության անդամ Հովհաննես Շահինյանի, կրկին չի ընտրվի:

«Չհավատաք: Նրան խմբագրությունում անգամ տեղավորել չի հաջողվի»,- լրագրողների հետ հանդիպման ժամանակ կարծիք հայտնեց նա եւ պարզաբանեց, որ Խաչատրյանի պաշտոնավարման օրոք տասնյակհազարավոր ավտոտնակներով կառուցապատվեցին Երևանի բակերը, որի պատճառով երեխաները զրկվեցին բակում խաղալու, իսկ տարեցները` զբոսնելու հնարավորությունից:

Շահինյանը համոզմունք հայտնեց, որ ընտրություններում միանշանակ հաղթելու է ՕԵԿ ցուցակը գլխավորող` արտակարգ իրավիճակների նախարար Արմեն Երիցյանը: Իսկ եթե նա չընտրվի քաղաքապետ, ապա քաղաքապետարանում ոչ մի այլ պաշտոն չի զբաղեցնի: