"Պրաստիտուտկա"-ի համար Խաչիկ Խաչատրյանը ներողություն չի խնդրի

Այսօր ժամը 11:00-ին Երեւանի Աջափնյակ եւ Դավiթաշեն վարչական շրջանների ընդհանուր իրավասության դատարանում (դատավոր Նաիրա Ավետիսյան) հրապարակվել է  «Ժողովուրդ» օրաթերթի հայցն ընդդեմ «X գրուպ» ընկերության սեփականատեր Խաչիկ Խաչատրյանի գործով դատավճիռը:

Հիշեցնենք, որ «Ժողովուրդ» օրաթերթը դատական հայց էր ներկայացրել Խ. Խաչատրյանի դեմ, քանի որ նա լրագրող Սոնա Գրիգորյանի տված հարցին հայհոյանքով էր պատասխանել` նրան անվանելով «պրաստիտուտկա»:

Հայցը մերժվել է:

«Խաչիկ Խաչատրյանի լկտի պահվածքը, փաստորեն, արդարացվել է: Կին դատավորը, փաստորեն, «պրաստիտուտկա»  որակումը վիրավորական չի համարում»,- նշեց լրագրող Սոնա Գրիգորյանը եւ հավելեց, որ վճռի հիմնավորումը չեն լսել` հայցվոր կողմը բոյկոտել է` լքելով դահլիճը:

«Սա շատ վատ նախադեպ կարող է լինել օլիգարխների համար, ստացվում է` յուրաքանչյուր օլիգարխ կարող է լրագրողին վիրավորել եւ անպատիժ մնալ»,- նշեց լրագրողը` հավելելով, որ մինչեւ վերջ են գնալու` հասնելով նրան, որ Խաչատրյանն անպատիժ չմնա: