Պաղեստինի երեխաները` վտանգի տակ

Իրավապաշտպաբ կազմակերպություններն ահազանգում են, որ Իսրայելում շարունակվում են պաղեստինցի երեխաների մեծաքանակ ձերբակալությունները:

17-ամյա մի տղա, որին ձերբակալել էին 2012 թվականին, պատմել է, որ նրան մոտեցել են 3 իսրայելցի զինվորներ եւ ձեռնաշղթաներ հագցրել նրա ձեռքերին: Տղային մեղադրել են իրենց կողմը քարեր նետելու մեջ, իսկ երբ տղան բացատրել է, որ նման բան չի արել, նրան հարվածել են ու ասել, որ եթե խոստովանական ցուցմունքը չստորագրի, նրա հետ կենդանու նման կվերաբերվեն:

 
36 ժամ հետո տղան արդեն կանգնած է եղել դատավորի առաջ: Նրա գործով անցկացվել է 35 լսում, որոնք տեւել են 9 ամիս, սակայն վճիռ դեռ չի կայացվել:

Ըստ պաշտոնական տեղեկությունների` միայն փետրվար ամսին 236 պաղեստինցի անչափահասներ են ձերբակալվել, որոնցից 39-ը 12-15 տարեկան են: UNICEF-ը տեղեկացնում է, որ ամեն տարի ավելի քան 700 պաղեստինցի անչափահաս տղաների են ձերբակալում Իսրայելում, գրեթե բոլորը անմեղ են. տեղեկացնում է Al-Jazeera-ն: