Մոսկվան կպատասխանի Օբամայի նամակին

Մոսկվան կպատասխանի ԱՄՆ նախագահ Բարաք Օբամայի` ՌԴ նախագահ Վլադիմիր Պուտինին ուղղված նամակին, որը օրերս փոխանցել է ԱՄՆ նախագահի` ազգային անվտանգության հարցերով խորհրդական Թոմ Դոնիլոնը: Նրա այցի արդյունքները կքննարկեն ՌԴ արտգործնախարար Սերգեյ Լավրովը եւ ԱՄՆ պետքարտուղար Ջոն Քերին հաջորդ շաբաթ Բրյուսելում կայանալիք երկկողմ հանդիպման ժամանակ: Այդ մասին, ըստ Интерфакс-ի, լրագրողներին հայտնել է Սերգեյ Լավրովը:

«Կարծում եմ` մենք շատ երկար չենք զրուցի: Երկու ժամ արդեն բանակցել ենք Լոնդոնում: Բնականաբար, կքննարկենք Թոմ Դոնիլոնի` Մոսկվա այցը: Նա բերել էր նախագահ Օբամայի ուղերձը նախագահ Պուտինին: Դրա պատասխանն արդեն պատրաստվում է»,- ասել է նա: