Պռոշյանցիները պատրաստվում են փակել մայրուղին

Այս պահին մոտ 250 պռոշյանցիներ պատրաստվում են բողոքի ակցիա կազմակերպել Երևան-Աշտարակ մայրուղու` Պռոշյան գյուղի ճանապարհահատվածում:

Գյուղացիները բողոքում են Պռոշյանի գյուղապետ Հրաչ Մուրադյանի սպանության կասկածանքով`  նույն գյուղի բնակիչ Արայիկ Պետրոսյանին ձերբակալելու դեմ: Նրանք համոզմած են, որ կալանքի տակ գտնվող երիտասարդները կապ չունեն գյուղապետի սպանության հետ:

Հիշեցնենք, որ երեկ էլ բաց նամակով հանդես էր եկել ձերբակալվածների հայրը` նշելով, որ իր որդիները կապ չունեն մեղսագրված հանցանքի հետ:

Գյուղացիները պատրաստվում են բողոքի ակցիան շարունակել Վերաքննիչ դատարանի առջև, որտեղ  այսօր` ժամը 16:00-ին, նշանակված է կալանված երիտասարդների պաշտպանի` կալանքի որոշումը վիճարկելու գործով առաջին նիստը: