Հրատապ․ մարտունեցիները փակել են Մարտունի-Վարդենիս միջպետական մայրուղին

Yerkir.am-ի տեղեկություններով՝ Մարտունու շրջանի բնակիչները փակել են Մարտունի-Վարդենիս միջպետական մայրուղու Զոլաքար գյուղի հատվածը։ Գյուղի բնակիչները վիճում են Զոլաքարի վարչական ղեկավար Հրայր Մարգարյանի հետ։ 

Մարտունեցիների ընդվզման պատճառը գյուղական արտադրանքի իրացման շուկայի բացակայությունն է: Ըստ ակցիայի մասնակիցների՝ իրենց գյուղական արտադրանքը փչանում է, չկա իրացման շուկա, իսկ իշխանությունները և պատկան պետական մարմինները մատը մատին չեն տալիս խնդիրը լուծելու համար:

Հիշեցնենք՝ մամուլում տեղեկություններ են տարածվել, որ մարտի 6-ից Վերին Լարսի անցակետը փակվելու է հայկական գյուղմթերքների առջև, որի մասին ահազանգում են բազմաթիվ արտահանողներ, սակայն դեռևս պետական մարմիններից այս մասին որևէ հաստատում կամ հերքում չկա։

Մանրամասն՝ տեսանյութում