Քարդաշյանն ընդդեմ Կիմ Չեն Ընի

Բրիտանական The Sun-ը համեմատական է անցկացրել ԿԺԴՀ առաջնորդ Կիմ Չեն Ընի եւ Քիմի Քարդաշյանի միջեւ եւ հանգել եզրակացության, որ երկուսը նման են առնվազն 10 կետով: Ներկայացնենք միայն առաջին երեքը:

Առաջին` հարաբերությունները Արեւմուտքի հետ: Քարդաշյանի դեպքում թերթը նկատի ունի նրա սիրավեպը Քանիե Ուեսթի (West` արեւմուտք) հետ, իսկ Կիմ Չեն Ընի հարաբերություններն Արեւմուտքի հետ մեկնաբանության կարիք չունեն:

Այնուհետեւ թերթը համեմատում է երկու կողմերի բանակներին: Այս դեպքում Քրդաշյանը բավականին առաջ է` ավելի մեծ «բանակ»` կողմնակիցներ ունի. նրա Twitter-ում 17,5 մլն մարդ է գրանցված, իսկ հյուսիսկորեական բանակում 1,1 մլն մարդ է ծառայում:

Երրորդ կետով համեմատվել են նրանց հարաբերությունները մարզիկների հետ: Հայտնի է, որ Կիմ Չեն Ընը բարեկամություն է անում բասկետբոլիստ Դենիս Ռոդմանի հետ, իսկ Քարդաշյանը ամուսնացած է  եղել բասկետբոլիստ Քրիս Համֆրիսի հետ: