Տիկին Մարգարիտան` ՊԲ-ում

Վերջերս «Զինվոր» հասարակական կազմակերպությունների համագործակցությունը համակարգող խորհրդի նախագահ Մարգարիտա Խաչատրյանի գլխավորած պատվիրակությունը այցելել էր Պաշտպանության բանակ: Շուրջ 10 օր տևած շրջայցի ընթացքում հասարակական կազմակերպությունների ներկայացուցիչները եղել են մի շարք զորամասերում. հայտնում է ՊԲ կայքը:

Շրջայցի վերջին օրը Մարգարիտա Խաչատրյանի գլխավորած պատվիրակության հետ հանդիպել է ԼՂՀ պաշտպանության նախարար, պաշտպանության բանակի հրամանատար, գեներալ-լեյտենանտ Մովսես Հակոբյանը:

Բանակի հրամանատարը, կարևորելով հասարակական կազմակերպությունների գործունեությունը, շնորհակալություն է հայտնել խորհրդի անդամներին երկարամյա արդյունավետ համագործակցության համար և վերջիններիս հանձնել պատվոգրեր ու արժեքավոր նվերներ: Իսկ Մարգարիտա Խաչատրյանը պարգևատրվել է նաև Պաշտպանության բանակի հուշամեդալով: