ԱՄՆ-ը քննադատել է Եգիպտոսին

ԱՄՆ իշխանությունները լրջորեն մտահոգված են Եգիպտոսում տիրող իրավիճակով և այն ուղիով, որով այդ երկիրն ընթանում է: Այդ մասին երեկ ԱՄՆ նախագահի հետ հանդիպման ժամանակ հայտարարել է պետքարտուղար Ջոն Քերին. հայտնում է Лента.ру-ն:

Մասնավորապես` Քերին նշել է վերջերս տեղի ունեցած` ընդդիմադիրների ձերբակալությունները, լրագրողների դեմ դատական հայտերն ու փողոցային անկարգությունները:

Հիշեցնենք, որ Եգիպտոսի գլխավոր դատախազը մարտի 25-ին 5 ընդդիմադիր ակտիվիստների ձերբակալման հրաման էր տվել: Նրանք մեղադրվում են այն բանում, որ սոցիալական ցանցերի միջոցով մարդկանց դրդել են «Մուսուլման եղբայրներ» կուսակցության նկատմամբ բռնության: