ԱՄՆ Գերագույն դատարանն առաջին անգամ անդրադարձել է միասեռ ամուսնությունների թեմային

Երեկ ԱՄՆ Գերագույն դատարանը երկօրյա լսումներ է սկսել` նվիրված միասեռ ամուսնությունների թեմային: Առաջին օրը քննվել էր Կալիֆոռնիա նահանգում այդ ամուսնություններն արգելելու սահմանադրականության մասին հայցը. տեղեկացնում է ИТАР-ТАСС-ը:

ԱՄՆ Գերագոն դատարանն առաջին անգամ է անդրադառնում այդ թեմային, թեեւ ավելի վաղ քննարկել էր սեռական փոքրամասնությունների իրավունքներին վերաբերող հայցեր: Ըստ վերլուծաբանների` դատարանը դեռեւս հակված չէ նախադեպային որոշում կայացնել այդ սուր թեմայի վերաբերյալ: ԱՄՆ վարչակազմի դիրորոշումը, որը կողմ է միասեռ ամուսնությունների ճանաչմանը, դատավորներից ոչ ոք հավանության չի արժանացրել: Եթե Գերագույն դատարանն ընդհանրապես հրաժարվի այդ հայցի հետագա քննությունից, ուժի մեջ կմնա ավելի ցածր ատյանի վճիռը, որը, սակայն, ուժի մեջ կլինի միայն Կալիֆոռնիայում: