Ֆրանսիայում շարունակվում են բողոքները միասեռ ամուսնությունների դեմ

Միասեռ ամուսնությունների 200 հակառակորդ այս գիշեր Փարիզում` Ելիսեյան պալատի մոտ, հերթական բողոքի ակցիան են կազմակերպել, որը համաձայնեցված չի եղել իշխանությունների հետ:

Նախագահական պալատը հսկող ոստիկանները եւ նրանց օգնության եկած ուժերը ցրել են ակցիայի մասնակիցներին: 4 մարդ ձերբակալվել է. տեղեկացնում է РИА Новости-ն:

Օրենքը, որը թույլ է տալիս միասեռականներին օրինական ամուսնություն գրանցելկեւ երեխաներ որդեգրել, Ֆրանսիայի նախագահ Ֆրանսուա Հոլանդը ստորագրել է մայիսի 18-ին: Այդ օրենքի դեմ բողոքում են բազմաթիվ ֆրանսիացիներ, ըստ ակցիաների կազմակերպիչների`   բողոքի միջոցառումներին մասնակցել է 1 միլիոնից ավելի մարդ: