Նոր սահմանադրություն` Զիմբաբվեում

Զիմբաբվեի քաղաքացիները հավանություն են տվել իրենց երկրի նոր սահմանադրությանը: Առաջին անգամ այս պետության պատմության մեջ սահմանափակվում է նախագահի իշխանությունը և մեծացվում են խորհրդարանի լիազորությունները: Նոր սահմանադրությամբ երաշխավորվում է խոսքի ազատությունը. հայտնում է Газета.ru-ն:

Սահմանադրությանը կողմ է քվեարկել ընտրողների 95%-ը: Որոշումը կայացվել է հանրաքվեի արդյունքում:

Զիմբաբվեի ներկայիս նախագահը՝ 89-ամյա Ռոբերտ Մուգաբեն, երկիրը ղեկավարում է արդեն 33 տարի:  Նա կկարողանա իր պաշտոնում վերընտրվել ևս 2 անգամ, այսինքն` 2023 թվականին, երբ հավանաբար կավարտվի նրա պաշտոնավարումը, նա կլինի 99 տարեկան: