Մեկնարկել է դահուկավազքի պատանիների Հայաստանի առաջնությունը

Մարտի 14-ին մեկնարկել է դահուկավազքի պատանիների Հայաստանի առաջնությունը` նվիրված Հայաստանի ֆիզիկական կուլտուրայի պետական մարմնի հիմնադրման 90 ամյակին:

Առաջնությունն անց է կացվելու Շիրակի մարզի Փոքրաշեն համայնքում:

Առաջնությանը կմասնակցեն Գյումրիի, Ամասիայի, Վանաձորի, Աշոցքի և Հրազդանի 1993-1995թթ. և 1996-1999թթ. ծնված պատանիների և աղջիկների հավաքական թիմերը:

Դասական ոճում տղաները կմրցեն 5կմ, իսկ աղջիկները՝ 3կմ տարածություններում: 2-րդ տարիքային խմբում հանդես եկողտղաները և աղջիկները ուժերը կչափեն 3կմ դասական ոճում:

Առաջնության վերջին օրը՝ մարտի 16-ին, տղաները կմրցեն 5կմ, իսկ աղջիկները 3կմ ազատ ոճում: Նույն օրը 3կմազատ ոճում իրենց ուժերը կչափեն 2-րդ տարիքային խմբում հանդես եկող տղաները և աղջիկները: