Մեկնարկում է ձյուդոյի Հայաստանի պատանիների առաջնությունը

Հայաստանի ձյուդոյի պատանիների առաջնությանը կմասնակցի 23 թիմի 224 մարզիկ: Աղջիկները առաջնությունում մասնակիցների թվի պատճառով կմրցեն 44 կգ, 48 կգ, 57 կգ և +57 կգ քաշային կարգերում. հաղորդում է ՀԱՕԿ պաշտոնական կայքը:

«Տղաների մրցապայքարում բավական շատ մասնակիցներ ունենք, թեպետ մենք սահմանափակումներ էինք դրել: Այս ամենը խոսում է այն մասին, որ ձյուդոն այս տարիքային խմբերում մենապայքարային ձևերում ամենամասսայականն է»,- ՀԱՕԿ լրատվականի հետ զրույցում ասաց Հայաստանի ձյուդոյի ֆեդերացիայի գլխավոր քարտուղար Դավիթ Խիթարյանը:

Առաջնությունից հետո կձևավորվի հավաքական, որը Աբովյան քաղաքում երկու ուսումնամարզական հավաք անցկացնելուց հետո կմասնակցի Եվրոպայի գավաթի խաղարկությանը: