Արգենտինան չի ընդունի Ֆոլքլենդյան կղզիների պատկանելության մասին հանրաքվեի արդյունքները

Մոտակա հանգստյան օրերին Ֆոլքլենդյան կղզիներում անցկացվելիք հանրաքվեի արդյունքները որեւէ կերպ չեն ազդի Արգենտինայի եւ Մեծ Բրիտանիայի միջեւ կղզիների պատկանելության վերաբերյալ տարաձայնության վրա. հայտարարել է Լոնդոնում Արգենտինայի դեսպան Ալիսիա Կաստրոն:

Ենթադրվում է, որ հանրաքվեով Ֆոլքլենդյան կղզիների (Արգենտինան դրանք անվանում է Մալվինյան) բնակչությունը պետք է հաստատի իր ցանկությունը` մնալ Մեծ Բրիտանիայի կազմում:

Կաստրոն ընդգծել է, որ հանրաքվեի արդյունքները Արգենտինան չի ընդունի, քանի որ դրա անցկացումը չի արժանացել ՄԱԿ-ի հավանությանը. տեղեկացնում է Интерфакс-ը:

Մեծ Բրիտանիայի ԱԳՆ-ն դատապարտել է Արգենտինայի դիրքորոշումը: