Ֆոլքլենդյան կղզիների բնակիչները ցանկացել են բրիտանացի մնալ

Ֆոլքլենդյան կղզիների բնակիչները քվեարկել են Մեծ Բրիտանիայի տարածք մնալու օգտին. հայտնում է France Presse-ը:

Ֆոլքլենդյան կղզիների քաղաքական կարգավիճակի վերաբերյալ հանրաքվեն տևել է երկու օր: Ներկա կարգավիճակի պահպանման օգտին քվեարկել է ընտրողների 98, 8%-ը։ Դեմ է եղել 3 հոգի:

«Բոլոր երկրները պետք է ընդունեն արդյունքները եւ աջակցեն Ֆոլքլենդյան կղզիների բնակիչներին, որոնք շարունակում են զարգացնել իրենց տարածքը եւ տնտեսությունը: Ես նրանց հաջողություն եմ ցանկանում»,- հայտարարել է Մեծ Բրիտանիայի արտգործնախարար Ուիլյամ Հեյգը:

Սակայն Արգենտինայում հանրաքվեի արդյունքներից դժգոհ են: Ֆոլքլենդյան կղզիները նրանք իրենցն են համարում եւ անվանում են Մալվինյան: Yerkir.am-ը տեղեկացրել էր, որ մինչեւ հանրաքվեն Արգենտինան հայտարարել էր, որ չի ընդունելու դրա արդյունքները:

Ֆոլքլենդյան կղզիները Մեծ Բրիտանիայի կազմում են 1830-ական թվականներից եւ տարածքային վեճի առարկա են Արգենտինայի հետ: