''Մատաղիսի'' գործով դատական նիստը` մարտի 4-ին

«Դատլեքս» դատական տեղեկատվական համակարգից տեղեկանում ենք, որ 2013 թ. մարտի 4-ին՝ ժամը 14:00-ին, ՀՀ վերաքննիչ քրեական և զինվորական պալատը կքննի «Մատաղիսի» գործով արդարացման դատավճռի դեմ տուժողի իրավահաջորդի և մեղադրող կողմերի վերաքննիչ բողոքները:

Տուժողներից Ռոման Եղիազարյանի իրավահաջորդ Գոհար Մելքոնյանն իր բողոքով դատարանից խնդրել է վերանայել ՀՀ Շիրակի մարզի ընդհանուր իրավասության դատարանի դատավճիռը և կայացնել այլ դատավճիռ:

ՀՀ զինվորական կենտրոնական դատախազությունը պահանջում է ամբողջությամբ բեկանել դատարանի վճիռը, կայացնել մեղադրական դատավճիռ և Ռազմիկ Սարգսյանին դատապարտել 7, Արայիկ Զալյանին՝ 8, Մուսա Սերոբյանին` 8 տարի ազատազրկմամբ:

Հիշեցնենք, որ Ռազմիկ Սարգսյանը, Մուսա Սերոբյանը և Արայիկ Զալյանը մեղադրվում էին 2003 թ. ծառայության ընթացքում Մատաղիս գյուղում իրենց ծառայակիցներ Ռոման Եղիազարյանի և Հովսեփ Մկրտումյանի սպանության մեջ: Շիրակի մարզի ընդհանուր իրավասության դատարանի դատավճռով նրանք արդարացրել են: