Դասադուլավորների վարքը արգերսիվ է, ծեծկռտուքը` սադրանքի հետեւանք

ԵՊՀ-ն երբևէ դռները չի փակել ոչ մեկի առջև և ոչ մեկի կամքին չի բռնացել. լրագրողների հետ հանդիպմանը նման կարծիք հայտնեց Երևանի պետական համալսարանի աշխատակազմի ղեկավար Ալիկ Ղարիբյանը:

Ըստ Ղարիբյանի, դասադուլ կազմակերպողները համալսարանից դուրս են, չնայած նրանց մեջ կան որոշ համալսարանկաններ: Ինչպես հավաստիացնում է Ղարիբյանը, իրենք ուսանողներին չեն պարտադրել նստել դասերին, քանի որ դա նրանց քաղաքացիական կամքն է:

«Մենք արգելել ենք ԵՊՀ-ն օգտագործել որպես քաղաքական հարթակ, քանի որ բուհերի տարածքը պետականորեն քաղաքական գործունեությունից դուրս է: Համալսրանաում ոչ մեկին երբեւէ չենք ուղղարդել, որ այս կամ այն կուսակցությանը անդամակցի. կուսակցական պատկանելությունն անձի ազատ կամքի դրսևորումն է»,-ասաց Ղարիբյանը` հավելելով, որ դասադուլավորների վարքը արգերսիվ է համարում և երեկվա գրանցված ծեծկռտուքը` սադրանքի հետեւանք:

Ի դեպ, Ղարիբյանը «մոռացավ» նշել, որ ծեծկռտուքը հենց այնպես չառաջացավ. ակցիայի մասնակիցները հանդիպեցին լուրջ դիմադրության ԵՊՀ որոշ ուսանողների կողմից, ովքեր վիրավորական բառերով փորձեցին ցրել դասադուլ անողներին, որի հետևանքով էլ ծեծկռտուք սկսվեց:

Իսկ ԵՊՀ ռեկտորի օգնականի արած` «զորքին բերեք, ախլքալակցիկին բերեք առաջ» արտահայտության մասին էլ, ինչպես հավաստիացրեց Ղարիբյանը, լսել է, բայց կարծիք հայտնել չի ուզում.«Նման արտահայտություն անողից էլ կարծիք հարցրեք»: