Աչքերներդ կհանեմ. լրագրողներին Գյումրիում սպառնում են

Գյումրիի Թբիլիսյան խճուղում գտնվող թիվ 21 մանկապարտեզում տեղակայված 35/22  ընտրատեղամասի շրջակայքում իրարանցում է եղել. հայտնում է «Ասպարեզը»:

Կայքը ահազանգ է ստացել, որ մանկապարտեզից քիչ հեռու կուտակված մեքենաներ կան, ու հիշյալ մեքենաներից մեկից՝ սպիտակ «Նիվա»-ից,  ընտրակաշառք են բաժանում: Լրագրողների հայտնվելուց րոպեներ անց մեքենան հասցրել է հեռանալ: Քիչ հետո նրանց փոխրինել է նոր մեքենա: «Հրահանգիչները», տեսնելով նկարող լրագրողներին, որոշել են սպառնալ, որ իրենց չնկարեն. «Ո՞վ եք եղած, որ մեզի նկարեք, ըդքան չկաք, եկա՝ աչքերներդ կհանեմ»:

Ի դեպ, սպառնալիքները հնչեցրել է մեքենայում նստած կինը, ում, չգիտես ինչու, անչափ վրդովեցրել էր լրագրողների ներկայությունը:

Ի դեպ, ժամանակ առ ժամանակ հիշյալ մեքենային մոտեցել են բնակիչներ ու րոպեներ անց հեռացել: