ԼՂՀ-ից զինվորներ չեն բերել քվեարկության

Բոլոր համապետական ընտրություններին ԼՂՀ-ում ժամկետային զինծառայություն անցնող` Հայաստանի քաղաքացի զինվորներին ընտրության էին բերում Սյունիքի մարզ:

Սովորաբար, նրանք իշխանություններին երաշխավորված ձայներ էին ապահովում: Սակայն այս անգամ, թվում է, հանրապետականներն այնքան վստահ են, որ իրենց թեկնածուն կհաղթի, որ ԼՂՀ-ից զինվորներին չեն բերել քվեարկության:

Yerkir.am-ի հետ զրույցում ՀՀ պաշտպանության նախարարության մամուլի  խոսնակ Արծրուն Հովհաննիսյանը նշեց, որ ԼՂՀ-ում ծառայող` Հայաստանի քաղաքացի զինվորներն այնքան էլ շատ չեն, բացի այդ` նրանցից շատերը շփման գծում սահմանի անվտանգությունն են ապահովում:

Հովհաննիսյանի խոսքով` ընտրություներին զինվորների մասնակցել-չմասնակցելը թողել են նրանց հայեցողությանը:

Yerkir.am-ի հավաստի տեղեկություններով` սակայն, ԼՂՀ-ում ծառայող զինվորներին անգամ չեն էլ տեղեկացրել, որ եթե ցանկանան` կարող են գնալ ընտրության: Ի դեպ, զինվորները դրանից ամենևին էլ չեն տխրել: