Սերժ Սարգսյանը կատարեց իր քաղաքացիական պարտքը

ՀՀ գործող նախագահ, նախագահի ՀՀԿ-ական թեկնածու Սերժ Սարգսյանը տիկնոջ` Ռիտա Սարգսյանի հետ րոպեներ առաջ կատարեց իր քաղաքացիական պարտքը` քվեարկելով Սպանդարյանի անվան թիվ 24 դպրոցում բացված ընտրատեղամասում:

Քվեարկությունից հետո լրագրողների հետ կարճ զրույցում նախագահն ասաց, որ քվեարկեց ապահով Հայաստանի համար, «մեր երկրի ապագայի համար, մեր քաղաքացիների և նրանց ընտանիքների ապահովության համար»:

Հարցին, թե ինչպե՞ս է գնահատում ընտրությունների ընթացքը, և արդյո՞ք իրականություն դարձավ ընտրությունները լավագույնս անցկացնելու իր հորդորը, Սարգսյանն ասաց, որ ամեն ինչ կերևա ընտրությունների արդյունքներն ամփոփելուց հետո: