Եգիպտոսի նախագահին նեպոտիզմի մեջ են մեղադրում

Եգիպտոսում մեծ աղմուկ է բարձրացել նախագահ Մուրսիի որդու պաշտոնի պատճառով: Նա աշխատանքի է անցել քաղաքացիական ավիացիայի նախարարությունում. հայտնում է Associated Press-ը:

Նախարարությունը ստիպված է եղել հանդես գալ հայտարարությամբ, որում ասվում է, որ Օմար Մուրսին պաշտոնի է անցել «անցնելով նման դեպքերի համար սովորական հարցազրույցները ու գործընթացները»:

Նշվում է նաև, որ Օմար Մուրսին նոր է ավարտել տեղի համալսարաններից մեկը և անցել աշխատանքի 5000 դոլար ամսական աշխատավարձով: Այս վիճակը Եգիպտոսի համար սովորական չէ, քանի որ համալսարանավարտները, ովքեր նոր են իրենց կարիերան սկսում պետկառույցներում, ստանում են ամսական 75 դոլարից քիչ ավելի: