Տուարեգները անցնում են պարտիզանական պատերազմի

Մալիից անջատվել ձգտող տուարեգ ապստամբները պարտիզանական պատերազմ են սկսել կառավարական եւ ֆրանսիական զորքերի դեմ:

Al-Jazeera-ն տեղեկացնում է, որ փետրվարի 10-ին նրանք հարձակվել են Գոայում տեղակայված կառավարական ուժերի շտաբի վրա: Ապստամբները զինված են եղել ականանետներով ու ինքնաձիգներով: Նրանք եկել են անապատից, նավակով անցել Նիգեր գետը եւ հարձակվել: Մարտը սկսվել է կեսօրին ու տեւել մինչեւ մութն ընկնելը, ինչից հետո տուարեգները հեռացել են անհայտ ուղղությամբ: 

Մինչդեռ հարձակում գործած խմբավորման ներկայացուցիչը France-Presse-ին հայտնել է, որ կառավարական զորքերի զինվորները փախել են, իսկ ապստամբները մնացել են քաղաքում: